*,*حزن*,*,
ياللي نسيت الحب
ياللي نسيت الحب مثلك نسيناه
جرحي يهون ولا مذلة خضوعي
قصرك بقلبي طاح وانهد مبناه
لا تنتظر مني لحبك رجوعي
من عافنا ننسى غرامه وذكراه
لا واحسايف في غيابك دموعي
الغدر في نظراتك اليوم شفناه
اليوم نظراتك لقلبي تروعي
مليت حب ضاع عمري برجواه
وهديت من زود الغرابيل روعي
يامن قطع حبل الرجاوي بيمناه
من دمعيك اشعلت طافي شموعي
.................................................. ......
حزن:
قلي على الله
قلي على الله وابتعد عنك وارتاح
قلي على الله بس من غير تجريح
من شب نار الشوق ياشوق ما صاح
واللي وطاها يشرح الجيب ويصيح
لولا الغلا ماهانت النفس يا صاح
محبتي لك ماوراها مصاليح
وشلون تنسى يالغضي كل ما راح
مركب غرامك سار مع وجهة الريح
القلب في يمناك ياعزوتي طاح
حنا على شط الرجا بك مجاريح
جرحتني واحسبك للقلب جراح
اشوف بعيونك على الصد تلميح
..........................................
حزن:
الليل غطى
الليل غطى واهج الشمس برفوق
ليلٍ تنثر يجرح الخد بللمس
لولا ذاعابيع الهوى ترفعه فوق
كان وللا من سنه واهج الشمس
يلعب به النسناس والقلب معسوق
شوفته تنعش كل من خاطره عمس
قلبٍ غدا من سود الايام محروق
وقتٍ عصيبٍ طامسٍ فرحتي طمس
منه الامل في ناظري صار مخنوق
ماهو مثل وقتٍ مضى ذللي قبل امس
يا من خذا من خاطري عهد موثو
ارو الخفوق وصافق الخمس بالخمس
يهز ذكرك خافقي هزت الشوق
مغموس في بحر الشقى والهوى غمس
كان الرجا بك عز ياقمة الذوق
بالصمت لا تقتل ثنا شعلة الهمس
..........................................
حزن:
مسموح
مسموح يااللي بالغرام صحيت فيني ميت الروح
مسموح يوم صمتك لوع القلب و أجرى أدمعه
اعترافك هيج شجوني و القلب من احزانه ينوح
من بعدما ودعني خيالك و دمع عيني يتبعه
يوم اتـذكـرك يمي و طيفك على بالي يلوح
يحس صدري بلوعة تكوي خافقي و أضلعه
كان حـبـك ينبت ورد الهوى لين في قلبي يفوح
واليوم برد الجفا أتلف ورد الحب و قطعه
حرّقت قلبي العبرات و انكوى من كثرة النوح
بح صوته من النحيب و لا فيه من يسمعه
كنت في بحور الهوى و الشوق دايم سبوح
و اليوم أنا تايه و مركبي تقطعت أشرعه
ما فادني كثر الكلام و لا فادني كثر الشروح
تسري أحزاني مثل الريح مراكب مسرعه
تجرح الونات خافق من سالف الايام مجروح
و برد الفراق يغلب صبر الشجاع و يصرعه
مسموح ياللي قد نويت درب الرحيل مسموح
عسى اللي أبـعــد لـذيـذ النوم عن عيني يـرجـعـه
الخميس سبتمبر 04, 2008 10:46 pm